Li Şaredariya Xana Axparê Kursa Zimanê Kurdî Dest Pê Dike

Kursa Zimanê Kurdî ya ku ji aliyê Şaredariya Xana Axparê  ve tê organîzekirin, dê di 1’ê Cotmehê de dest pê bike.

Serkariya Karên Çandî û Civakî ya Şaredariya me, ji bo perwerdehiya Zimanê Kurdî amadekariyên xwe temam kirin. Kursa ku dê di 1ê Cotmehê de dest pê bike, dê rojên pêncşemê di navbera saet 15.00 û 17.00’an de bê dayîn. Li gorî daxwaz û hejmara serlêdanan,  dê polên nû jî bên vekirin.

Serlêdanên  ji bo qeyda kursa zimanê  kurdî dest pê kiriye û perwerdehî dê li avahiya pêvek (ek bina) a şaredariyê ya li ser Bûlvara Ataturk a li Taxa Gaziyê bê dayîn.

Serkara Karên Çandî û Civakî ya Şaredariya Xana Axparê  Elîf Taş Çelîk, bang li tevahiya gelê Xana Axparê kir ku beşdarê kursa kurdî bibin  û ji bo qeydê serî li kursê bidin.