Derbarê Dagirkirina Peyirêyan de Civîn De Were Lidarxistin

 Şaredariya Çinarê amadekariyê dike ku bi xwediyên karsaziyên herêmî û rêxistinên civaka sivîl re civîneke dawî li dar bixe, da ku bi awayekî mayînde dawî li dagirkirina peyirêyan (rêyên peyayan) bîne. Rêveberiya Şaredariya Çinarê biryar daye ku ji bo çareserkirina pirsgirêka berdewam a dagirkirina peyirêyan, bi xwediyên karsaziyên herêmî û rêxistinên civaka sivîl re bicive.

Di civîneke ku duh hat lidarxistin de, rêveberiya şaredariyê biryar da ku bi van aliyên peywendîdar re hevdîtinê bike da ku dawî li vê pratîkê bîne. Civîna ku hatiye plankirin roja Pêncşemê, 22ê Cotmehê, saet di 14:30an de li Şaredariya Çinarê pêk were, tê payîn ku bibe sedema avêtina gavên berbiçav ji bo çareserkirina mayînde ya pirsgirêka dagirkirina peyirêyan. Her wiha, biryar hat dayîn ku panelek were organîzekirin da ku di derbarê bikaranîna madeyên hişbir de hişyariyê zêde bikin. Nûnerê SAMER'ê ew saziya ku li navçeyê lêkolînek li ser bikaranîna madeyên hişbir pêk anîbû dê di vê mijarê de pêşkêşiyekê bike. Di panela ku dê roja Çarşemê, 21ê Cotmehê, saet di 14:30an de pêk were de, her wiha du psîkolog jî dê nêrîn û şîroveyên xwe parve bikin.